السلام عليكم ورحمة الله وبركاته
ماذا بعد حوض السمك وتجهيزه ؟
شراء الاسماك
يجب ان نختار بعناية الاسماك التى ستعيش فى حوض واحد لانه هناك اسماك تتعايش مع بعضهواخرى لا
ويعتمد ذلك على شراسة السمك
هناك اسماك هادئة مثل الفانتيل واهم انواعه الجولد فيش
ومن الانواع الشرسة البارب تايجر مثلا
لذلك ننصح بالتركيز على الانواع
وفى البداية ننصح بالانواع الولوده مثل الجوبى والبلاتى والسورد تيل
وان شاء الله سنفرد لانواع السمك موضوع كامل
دلواتى احنا هانتكلم عن شراء السمك ووضعه داخل الحوض
لما نيجى نشترى نراعى الاتى
نشترى من محل نظيف ومياه الاحواض فيه نظيفة ورايقة وعليه وارد كتير
نركز فى السمكة متكونش بتعوم بدون اتزان او راقدة مش بتتحرك كتير
تكون زعانف السمكة مكتملة وغير متآكلة وكمان ميكونش لونها باهت
نركز فى السمكة ميكون على جسمها اشياء غريبة كحشرة تشبه القمل بتكون ملتصقة بجسم السكة او ميكونش فيه دم على جسم السمكة او زعانفها
الحوض اللى بنشترى منه ميكونش فيه سمك ميت كتير او حاجات غريبة على السمك نفسه
بعد الشراء نتاكد ان البائع وضع السمك فى اكياس فيها ماء من نفس الحوض ويكون ثلثين الكيس هواء علشان السمك ما يتخنقش
لما نيجى نضع السمك فى الحوض نتبع الاتى
- نضع اكياس السمك كما هى على وش مياه الحوض حوالى نصف ساعة علشان درجة حرارة الحوض تنتقل الى مياه الكيس تدريجيا والسمك ميحصلوش صدمة
- نضع ماء من الحوض فى الكيس كل 5 دقائق علشان السمك يتعود على التركيبة الجديده للماء وبرضه مايحصلوش صدمة
- يجب ان نراعى عدم وضع الماء اللى فى الاكياس فى الحوض نهااااااائيا علشان لو فى عدوى فى الماء ما تتنقلش للحوض
- بعد كده نرفع السمك بالشبكة ونضعه فى حوض السمك
- ومبروك عليكم الحوض الجديد
طبعا نراعى تجهيز الحوض قبل وضع السمك واحنا شرحناه فى موضوع سابق
اخيرا اتمنى انى اكون افدت والسلام عليكم وجاهزين للاستفسار
موضوع: اختيار انواع السمك 
السبت مارس 01, 2008 3:40 pm
